Fannst nakin í kofanum

Konan sem fannst látin í dúfnakofanum í Hafnarfirði var nakin þegar eigandi kofans kom að henni. Samkvæmt heimildum Vísis var búið að breiða yfir líkama hennar. Fötin voru inni í kofanum.

Konan var búin að liggja í kofanum í mesta lagi tvo daga en ljóst var af ummerkjum að það var búið að brjótast inn í kofann. Þá voru einnig ummerki um að hugsanleg átök hefðu átt sér stað inn í kofanum sjálfum samkvæmt heimildum Vísis.

Þegar rætt var við formann skrautdúfnafélags Hafnarfjarðar, Þorvald Rúnarsson, þá sagði hann að það væri stórfurðulegt að einhver skyldi hafa brotist þangað inn í þessum tilgangi.

Lögreglan er búin að handtaka mann á fertugsaldri vegna málsins og er hann nú í haldi og bíður yfirheyrslu.