Blackburn vann góðan útisigur gegn Bolton

Blackburn gerði góða ferð á Reebok-leikvanginn og vann 0-2 sigur gegn Bolton í fallbaráttuslag í ensku úrvalsdeildinni.

David Dunne kom gestunum í Blackburn yfir með marki eftir rúmlega hálftíma leik og staðan var enn 0-1 í hálfleik.

Blackburn bættu svo við öðru markinu með hjálp Bolton reyndar þegar um stundarfjórðungur lifði leiks.

Sam Ricketts skoraði þá afar klaufalegt sjálfsmark þegar hann ætlað að skalla aftur á Jussi Jaaskalainen í markinu en finnski markvörðurinn stóð það framarlega að boltinn fór yfir hann og skoppaði í markið.

Grétar Rafn Steinsson sat allan leikinn á varamannabekknum en spurning hvort að mistök Ricketts opni leið fyrir Siglfirðinginn inn í byrjunarliðið á ný.