United tilbúið að bjóða í stórstjörnur Valencia í janúar

Samkvæmt heimildum Daily Mirror er knattspyrnustjórinn Sir Alex Ferguson hjá Manchester United tilbúinn að eyða eitthvað af þeim peningum sem félagið fékk fyrir söluna á Cristiano Ronaldo í sumar.

Þegar félagaskiptaglugginn opnar í janúar er United sagt ætla að freista þess að kaupa tvímenningana eftirsóttu David Villa og David Silva hjá Valencia en spænska félagið er mjög illa statt fjárhagslega og gæti neyðst til þess að selja sína bestu leikmenn til að grynnka á skuldum.

Talið er að United sé tilbúið að reiða fram um 40 milljónir punda á borðið fyrir leikmennina en ekki er víst að það nægi því síðasta sumar var Villa einn og sér metinn á þá upphæð.