Enginn ánægður með að Ronaldo fór til Madrid

Wayne Rooney segist hafa vonast til þess að Cristiano Ronaldo yrði áfram hjá Man. Utd í stað þess að fara til Real Madrid.

United hefur gengið ótrúlega vel að aðlagast lífinu án Ronaldo enda er líðið á toppnum í Englandi og hefur unnið alla leiki sína í Meistaradeildinni.

„Ég get ekki sagt að mér hafi fundist ég vera í skugga Ronaldo. Ég er ekki ánægður að hann skyldi hafa yfirgefið félagið og held að enginn í liðinu hafi verið ánægður að sjá hann fara," sagði Rooney.

„Ég hefði kosið að hafa hann hér áfram ef ég á að vera heiðarlegur. Hann er frábær leikmaður sem á engan sinn líkan. Hann er sá besti í heiminum og því er eðlilega enginn kátur að missa hann," bætti Rooney við.