Man. City fékk aðeins stig gegn Fulham

Manchester City og Fulham gerðu jafntefli, 2-2, í fjörugum leik á City of Manchester-vellinum í dag.

Markalaust var í leikhléi en heimamenn í City byrjuðu síðari hálfleikinn mun betur og komust í 2-0. 

Joleon Lescott kom þeim yfir á 54. mínútu og Martin Petrov bætti öðru marki við sex mínútum síðar.

Damien Duff kom Fulham inn í leikinn tveim mínútum síðar er hann skoraði og Clint Dempsey jafnaði metin á 68. mínútu. Fjögur mörk á aðeins 14 mínútum.

Þrátt fyrir ágæta tilburði tókst hvorugu liðinu að bæta við marki eftir þetta og því fékk hvort lið eitt stig.

Staðan í ensku úrvalsdeildinni.