Hættur í Frjálslynda flokknum - tveir eftir

Kristinn H. Gunnarsson þingmaður hefur sagt sig úr þingflokki Frjálslynda flokksins. Þetta kom fram í bréfi sem hann sendi forseta Alþingis og var lesið upp við setningu þingfundar fyrir stundu.

Kristinn sem um tíma var þingflokksformaður flokksins er annar þingmaðurinn sem segir sig úr flokknum á skömmum tíma. Jón Magnússon hætti í flokknum fyrir skömmu og gekk yfir í Sjálfstæðisflokkinn.

Kristinn hefur áður setir á Alþingi fyrir Framsóknarflokkinn og Alþýðubandalagið.

Þetta þýðir að Grétar Mar Jónsson og Guðjóna Arnar Kristjánsson eru nú einu þingmenn flokksins.

Guðjón er reyndar í fríi frá þingstörfum og Ragnheiður Ólafsdóttir varaþingmaður hefur tekið sæti hans.

Þegar Kristinn hætti sem þingflokksformaður flokksins bauð Össur Skarphéðinsson honum að koma yfir í Samfylkinguna. Það er því spurning hvort Kristinn verði utan þings eða fari yfir í annan flokk.