Eldur í Vestmannaeyjum í nótt

Laust fyrir klukkan hálf tvö í nótt, aðfararnótt laugardagsins, var tikynnt um eld í einbýlishúsi við Brimhólabraut í Vestmannaeyjum.

Þegar að var komið kom í ljós að eldur logaði í mottu við útihurð hússins sem gekk greiðlega að slökkva í.

Ekkert tjón á húsinu sem er tvílyft einbýlishús, varð í þessum bruna né heldur urðu slys á fólki.

Athugull nábúi gerði viðvart um eldinn sem virtist við fyrstu sýn vera logi í friðarkerti, en var öllu meiri þegar að var gáð eins og fyrr segir.

Menn telja það mikið lán að vart varð við eldinn í tíma, áður en tjón hlaust af því þessa stundina gengur talsvert hvassvirðri af austri yfir Eyjarnar og ómögulegt er að segja hvað hefði getað gerst hefði eldurinn fengið að breiðast út óáreittur.