Lífið

Svona hverfa graftarkýlin

Hanna Kristín Didriksen.
Hanna Kristín Didriksen.

Vísir hafði samband við Hönnu Kristínu Didrikssen sem rekur snyrtistofuna Dekurhús didrix um lausnir á bólum og erfiði í húð.

„Ég sé svo marga sem eru í algjörum vandræðum með húðina sína og það get ég svarið að í dag þarf enginn og þá meina ég enginn að ganga um með bólur. Þetta vandamál er ofureinfalt að leiðrétta og tekur aðeins um sex vikur í verstu tilfellunum," segir Hanna ákveðin og heldur áfram:

Mataræði hefur gríðarleg áhrif á húðina.

„Húðin er okkar stærsta líffæri og segir allt til um hvernig við höfum það. Það er hægt að lesa úr húðinni hvernig viðkomandi hefur það og hvernig hann nærist. Það eru nokkrir punktar hérna sem skipta höfuð máli til þess að húðin haldist skínandi falleg og í jafnvægi," segir Hanna.

„Til þess að gera langa sögu stutta þá ætla ég að einfalda allar útskýringar á hvers vegna að við fáum bólur í nokkur atriði," segir Hanna og byrjar á upptalningunni:

„Sígarettur. Reykingar gera húðina gráa, guggna og fyllir ykkur af bjúg og húðin opnar sig og fyllist af þurrkublettum og bólum."
Skotheld leið til þess að fá bólur:

„Þá skaltu borða eftirfarandi: Dísætt morgunkorn, Cocoapuffs, Trixí og flest allt morgunkorn í pökkum.

Skyndibita (of mikið af vondri fitu, of margar hitaeiningar, of mikið af hvítu hveiti og of mikið af salti).

Sælgæti. Það er bólguvaldandi og riðlar sýrustigi húðarinnar þannig að hún opnar sig og verður flekkótt og þurr.

„Kartöfluflögur. Þær fylla húðina af fitu og stíflum gerir hana flekkótta og ofnæmisgjarna (vond fita sem veldur bólgum, allt of mikið salt, allt of mikið af hitaeiningum, og stelur vítamínum og steinefnum af þér)."

Kartöfluflögur. Þær fylla húðina af fitu og stíflum gerir hana flekkótta og ofnæmisgjarna (vond fita sem veldur bólgum, allt of mikið salt, allt of mikið af hitaeiningum, og stelur vítamínum og steinefnum af þér).

Borðaðu allt of mikið af Kúamjólkurvörum. Undir 150 ml á dag er í lagi en allt umfram það þá byrja að myndast vandræði í húðinni.

Áfengi. Það veldur bólgum og hrikalegum þurrk.

Hanna tók sjálfa sig í gegn og missti 54 kíló.

Sígarettur. Reykingar gera húðina gráa, guggna og fyllir ykkur af bjúg og húðin opnar sig og fyllist af þurrkublettum og bólum.

Sykraðir drykkir gos og djús. Þessir drykkir stela vítamínum, koma húðinni í ójafnvægi og opna hana.

Sykurlausir drykkir sem eru með gervisykri og koltvísýru. Þeir koma húðinni í ójafnvægi og ýta undir bólur, ofnæmi og þurrki eða bara fílapensla og fitumyndun í yfirborði. Þeir reyna á lifrina og auka líkur á stórkostlega aukinni sykurþörf enda ekkert í þessum drykkjum sem fruman þarf á að halda.

Hvítt hveiti. Þá snúðar, rúnstykki, hvítt brauð, pasta, núðlur og annar matur sem búinn er til úr hvítu hveiti og sykri. Það gerir húðina bólótta , blettótta, þreytta, gráa og guggna og stelur næringarefnum af okkur. Bæði vítamínum og steinefnum og eyðir upp orkugefandi vítamínum og eykur bólgur.

Smjörliki, margarín og majónes. Úff troðfullt af eiturefnum og veldur bólgum, bólum ofnæmi og kemur húðinni í ójafnvægi.

Á svona mataræði er viðkomandi að fá innihaldssnauða fyllingu án lífsnauðsynlegra næringarefna og þá verður húðin bæði slöppp, grá guggin, bólótt og fyrirfram öldrunarvandamál fara að gera vart við sig," segir Hanna Kristín.

Eins og sjá má á þessari upptalningu þá er augljóst hvað er að hjá þeim sem eru í vandræðum með húðina sína," segir Hanna.Nú til þess að einfalda þetta allt saman þá geta þeir sem hafa áhuga á því að fá hjálp hreinlega komið til mín og ég geri þá drög að degi fyrir viðkomandi og leiði hann í gegnum 6 vikna detox prógram skref fyrir skref ásamt því að hreinsa húðina og kreista stíflurnar og sjá til þess að yfirborðið verði hreint og geislandi af heilbrigði."




Tengdar fréttir

Dísa í World Class: Hreyfðu þig um helgar

„Best er að æfa 5-6 sinnum í viku og ef þær æfingar hafa ekki náðst í vikunni þá er um að gera að nota helgarnar í þær," svarar Hafdís Jónsdóttir framkvæmdastjóri World Class. „Það er gott að taka einn „hvíldardag" hvort sem hann er í miðri viku eða um helgi. Það er líka smart að hafa markmið um hverja helgi að skora á sjálfan sig og taka „öðruvísi" æfingu. Prófa eitthvað annað en við erum vön," segir Hafdís. „Nammidagur er fínn - en hann er ekki hugsaður þannig að það sé það eina sem gert er þann daginn. Allt er gott í hófi, óhóf leiðir bara til vanlíðunar." „Að vera góður við sjálfan sig þýðir að við tökum ábyrgð á heilsu okkar með heilsusamlegum lífsstíl. Reglubundin þjálfun ásamt heilsusamlegu mataræði skilar okkur bættri heilsu til betra lífs sem eru okkar gildi í World Class. Það þýðir að við getum verið virkir þátttakendur í öllu því sem okkur stendur til boða í okkar daglega lífi og þurfum engar afsakanir fyrir að taka ekki þátt," segir Hafdís.

Garðar: Popp er ekki heilsufæði

„Svarið er að halda matardagbók," svarar Garðar Sigvaldason líkamsræktarþjálfari í Sporthúsinu aðspurður um góð ráð fyrir fólk sem vill komast í gott form. „Í matardagbók skrifar fólk hvað það borðar og klukkan hvað. Tilgangurinn með henni er að halda utan um hvað er borðað. Með henni hefur fólk betri yfirsýn yfir hvað það hefur borðað og hvort það borðar rétt." „Eins og að borða á þriggja tíma fresti og hvort það er eithvað sem það hefði getað látið fara öðruvísi yfir daginn í mataræðinu. Hvort það borðaði rétt fæði þann dag og þá hvers vegna," segir útskýrir Garðar. „Staðreyndin er sú að það er himinn og haf á milli árangurs hjá þeim sem halda dagbók og þeim sem ekki gera það. Matardagbók er fyrir alla, byrjendur jafnt sem lengra komna." Blekkir fólk sjálft sig þegar matur, snakk og draslfæði er annars vegar? „Já og í raun og veru finnst fólki það vera miklu betra en það er en með matardagbókinni sér fólk það á svörtu og hvítu," svarar Garðar. Ráðleggur þú fólki að telja ofan í sig kaloríurnar? „Nei. Ég ráðlegg ekki fólki að telja ofan í sig allar hitaeiningar en aftur á móti er mjög gott að það er meðvitað hvað það setur ofan í sig." En popp til dæmis er það gott á milli mála? „Nei popp er ekkert heilsufæði og ekki gott á milli mála. Í 100 grömmum af poppi eru nær 500 hitaeiningar sem er svipað og í súkkulaði og snakki. Frekar mæli ég með ávöxtum eða léttum prótein drykkjum. Því í dag er hægt að fá tilbúna og mjög bragðgóða próteindrykki þannig að það er engin afsökun að fólk hafi ekki tíma til að borða millimál,“ segir Garðar.

Arnar Grant: Feitir sleppa morgunmat

„Það er náttúrulega fyrst og fremst að hreinsa til í ísskápnum. Taka allt sem er með hátt fituhlutfall út og einföldu kolvetnin. Þá á ég við allt með sykri í," svarar Arnar Grant líkamsræktarþjálfari aðspurður um góð ráð fyrir þá sem vilja koma sér í form. „Það skiptir miklu máli að hafa óhollustuna í algjöru lágmarki í ísskápnum. Ef það er ekki til á heimilinu eru litlar líkur að þú borðir það," segir Arnar og heldur áfram: „Hollt mataræði er 65 til 70% hluti sem til þarf ef árangur í heilbrigðu líferni á að nást." „Svo er það hreyfingin. Fólk á ekki að taka lyftur. Það á að labba upp stigana og fólk á ekki að reyna að finna bílastæði nálægt áfangastaðnum heldur leggja aðeins lengra í burtu og fá þannig ókeypis hreyfingu í leiðinni." „Ef maður vaknar bara aðeins fyrr á morgnana og fær sér morgunmat gerir það gæfumuninn. Þeir sem eru feitir eru þeir sem borða ekki morgunmat. Það er samasem merki þar á milli. „Þá vekur maður upp líkamann og hann fær orku í sig til að hreyfa sig betur og öll starfsemi fer á flug þannig að við verðum betri í alla staði. Betri starfskraftar, betri foreldrar og svo framvegis," segir Arnar. „Þetta eru einföld atriði sem kosta ekki krónu," segir hann að lokum.

Sellófan brýtur niður líkamsfitu

„Við erum nýbúnar að fá Comfortzone merkið sem er ítalskt og erum byrjaðar með svokallaða sellófanvafninga. Meðferðin tekur 30 mínútur þar sem öflugur sellófanvafningur er vafinn frá mitti og niður," segir Hrafnhildur Halldórsdóttir móttökustjóri Laugar Spa aðspurð um nýjungar til að brjóta niður fitu á líkamanum. „Fyrst er borið krem á líkamann og síðan er hann vafinn inn í sellófan. Þetta er sellólætkrem sem myndar hitatilfinningu þegar það er lokað af með sellófani en þá verður það virkt og brýtur niður fituna." „Þegar 30 mínútur eru liðnar þá tökum við sellófanið af og berum aftur krem á líkamann til að viðhalda virkninni," útskýrir Hrafnhildur. „Viðkomandi er fylgt inn í hvíldar herbergið í baðstofunni eftir að hann er vafinn í sellófan en það er ein kona sem er bara í þessu hjá okkur."

Að svelta sig er það versta

„Það er að koma stöðugleika á mataræðið og hreyfa sig klukkutíma á dag. Það sem flestir eru að klikka á þegar þeir byrja í heilsuátaki er að ætla sér of geyst en góðir hlutir gerast hægt og þetta er lífstíll," svarar Garðar Sigvaldason líkamsræktarþjálfari aðspurður um lykil að árangri í heilsurækt. „Þeir sem falla eru þeir sem eru óþolinmóðir. Fólk þarf að komast yfir þröskuld sem ég kalla 8 vikna múrinn því þegar fólk er alveg við það að komast á gott ról þá gefst það upp. „Helgarnar eru líka mikilvægar því þær eru 30% af vikunni. Svo eru millimálin gríðarlega mikilvæg því þau jafnast á við aukabrennslu." Hvað meinar þú með millimál? „Til dæmis ávextir, léttur próteindrykkur, skyr eða skyrbúst!" Hvað með fólk sem sleppir því að borða, sveltir sig? „Það er það versta sem þú getur gert. Þá drepur þú niður alla grunnbrennslu líkamans og byrjar að fitna. Mikilvægt er að borða smáar máltíðir á þriggja tíma fresti og þannig lagað séð borðað þig granna." Sveltið er mjög slæmt. Það versta sem hægt er að gera er að svelta líkamann. Þeir sem eru verst á sig komnir er yfirleitt fólk sem er að borða einu sinni til tvisvar á dag. Það er mjög slæmt," segir Garðar ákveðinn. „Ég mæli með því að fólk skipti hreyfingunni til helminga. Lyfta tvisvar til þrisvar í viku og taka góðar brennsluæfingar að sama skapi tvisvar til þrisvar í viku og eins og ég sagði ekki fara of geyst," segir Garðar.

Ágústa Johnson: Mjótt mitti á methraða

„Það er ekki hægt að stytta sér leið þegar kemur að því að minnka mittismálið. Við erum hættar að reyra korselettið í fyrsta gat og láta fjarlægja innyflin til að mjókka mittið," svarar Ágústa Johnson framkvæmdastjóri Hreyfingar brosandi aðspurð hvernig mjótt mitt fæst á skjótan og öruggan máta.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.