Allir mælar sýndu meira en 20 stiga hita

Einar Sveinbjörnsson, verðurfræðingur, segir að allir tiltækir mælar á höfuðborgarsvæðinu hafi klukkan 14 sýnt að minnsta kosti 20 gráður á celsíus utan Straumsvíkur þar sem hiti var 17 gráður.

Á bloggsíðu sinni segir Einar að þetta sé ekki algeng upplifun á höfuðborgarsvæðinu.

„Meira að segja upp á Hólmsheiði og við Sandskeið er vel hlýtt. Maður fer að ætla að ekki væri svo vitlaust að byggja í Geldinganesinu. Aftur og aftur sér maður ívið hærri hitatölur á góðviðrisdögum þar heldur en á öðrum mælum. Þó er það engin tjágróður til skýlingar, ekkert nema berangrið," segir veðurfræðingurinn.