Kolbrún Stefánsdóttir skipar fyrsta sætið í kraganum

Félagsfundur var haldinn í kjördæmaráði Frjálslynda flokksins í kraganum í kvöld. Á fundinum var borin upp tillaga að skipun listans frá 1. sæti til 5. sæti. Samþykkt var að 1. sætið skipi Kolbrún Stefánsdóttir framkvæmdastjóri Sjálfbjargar og ritari Frjálslynda flokksins.

Þetta kemur fram á heimasíðu flokksins nú í kvöld. Þar segir ennfremur að 2.sætið skipi Helgi Helgason stjórnmálafræðingur.

3. sæti skipar Valdís Steinarsdóttir bókhalds og skrifstofutæknir. 4. sæti Björn Birgisson vélsmiður og 5. sæti Haraldur Bogi Sigþórsson verkamaður.

Þá segir að stjórninni hafi verið falið að ljúka við að fá fólk til liðs og skipa þau fáu sæti sem á eftir að ganga frá. Listinn ætti að vera tilbúinn innan örfárra daga. Nokkrar umræður urðu um efnahagsmál á fundinum sem stóð frá kl. 18:00 til 19:30.