Tollari fær þrjár milljónir frá ríkinu

Hæstiréttur staðfesti í dag dóm hérðasdóms þar sem íslenska ríkinu var gert að greiða fyrrum tollverði þrjár milljónir króna. Maðurinn starfaði sem tollvörður en var vikið frá embætti um stundarsakir og síðar að fullu. Áður höfðu fjórir menn verið handteknir fyrri að taka órfrjálsri hendi áfengi sem átti að farga. Þeir kváðu umræddan tollvörð hafa verið í vitorði með þeim við þessa háttsemi, hann neitaði hinsvegar.

Fjórmenningarnir voru sakfelldir í málinu en tollvörðurinn sýknaður þar sem ekki var talið sannað að hann hefði gerst sekur um þá háttsemi sem ákært var fyrir. Krafðist hann skaðabóta vegna fjártjóns og miska þar sem honum hafði með ólögmætum hætti verið vikiið úr embætti tollvarðar.

Hæstiréttur komst að þeirri niðurstöðu að íslenska ríkinu bæri að greiða manninum þrjár milljónir með vöxtum auk 400.000 króna í málskotnað fyrir Hæstarétti.