Dómsdagsspá og ofbeldi Jóhönnu

Eygló Harðardóttir, þingmaður Framsóknarflokksins, segir í samtali við fréttastofu að Jóhanna Sigurðardóttir, forsætisdóttir, leggja nú allt undir til að kúga þjóðina til að sætta sig við afarkosti Hollendinga og Breta. Öllum meðulum sé beitt þar á meðal endalausum dómsdagsspám.

Eygló segir að nýjasta útspil Jóhönnu hafi verið að birta skýrslu Seðlabankans og efnahags- og viðskiptaráðuneytis um áhrif tafa á endurskoðun efnahagsáætlunar Íslands og Alþjóðagjaldeyrissjóðsins. Hvorki Már Guðmundsson, seðlbankastjóri, né Steingrímur J. Sigfússon, fjármálaráðherra, virðist hafa vitað að ætlunin hafi verið að birta skýrsluna.

Jóhanna Sigurðardóttir óskaði á mánudag eftir mati Seðlabankans annars vegar og efnahags- og viðskiptaráðuneytisins hins vegar á því hvaða afleiðingar það hefði ef enn frekari dráttur yrði á endurskoðun Alþjóðagjaldeyrissjóðsins á efnahagsáætlun Íslands og niðurstöðu í Icesave deilunni. Niðurstaða þeirra er að enn meira hrun verði í efnahagsmálum Íslendinga náist ekki niðurstaða í Icesave deilunni og ef Alþjóðagjaldeyrissjóðurinn ljúki ekki endurskoðun sinni á efnahagsáætlun landsins á næstu dögum.