Butler vill ekki Bond

Leikarinn Gerard Butler hefur gefið í skyn að hann hefði ekki áhuga á að leika James Bond ef honum yrði boðið hlutverkið. Hann telur að áhorfendur ættu erfitt með að venjast honum í öðrum hlutverkum ef hann tæki við sem 007.

„Ég hef gaman af því að leika í alls konar myndum en ef ég færi að leika Bond yrði breyting á því. Hvernig gæti fólk vanist mér í öðrum hlutverkum eftir að ég hefði leikið Bond?" sagði Butler. „Mér finnst Daniel Craig frábær Bond en ég myndi frekar vilja skapa nýtt hlutverk upp úr engu."