Tæplega 13 þúsund skora á forsetann í Icesave málinu

Rúmlega 12.900 manns hafa nú skrifað undir áskorun til forseta Íslands á vefsíðu InDefence hópsins. Undirskriftasöfnunin hófst síðastliðinn miðvikudag.

Skorað er á Ólaf Ragnar Grímsson að synja nýjum Icesave lögum staðfestingar, þannig að þau verði borin undir íslensku þjóðina í þjóðaratkvæðagreiðslu. Hópurinn telur það sanngjarna kröfu að sú efnahagslega byrði sem ríkisábyrgðin leggur á íslenska almenning og framtíðarkynslóðir þessa lands verði borin undir þjóðina í slíkri atkvæðagreiðslu.