Fáum bráðum sænska dollara

stjórnmál „Þetta er að mestu leyti komið í höfn,“ segir Steingrímur J. Sigfússon sem í fyrradag var í Stokkhólmi að ræða skilmála láns sem Svíar hyggjast veita Íslendingum til að styrkja gjaldeyrisforða landsins. Lánið er hluti 2,5 milljarða dollara lánapakka frá Svíum, Norðmönnum, Dönum og Finnum.

Steingrímur segir nú aðeins pappírsvinnu eftir varðandi Svía­lánið og að lán frá hinum Norðurlöndunum séu að verða frágengin. Hann segir niðurstöðuna í Svíaláninu þannig að báðir aðilar geta sætt sig við hana. Samningar vegna 200 milljóna dollara láns frá Póllandi og láns frá Rússlandi séu skemmra á veg komnir. - gar