Villa rekur umboðsmann sinn - stórlið bíða í röðum

Flest virðist benda til þess að spænski landsliðsframherjinn David Villa fari frá Valencia þegar félagaskiptaglugginn opnar aftur í janúar.

Spænskir fjölmiðlar greina frá því í dag að leikmaðurinn hafi ákveðið að reka umboðsmann sinn fyrir að hafa ekki náð að tryggja sér félagaskipti í sumar en Villa var þá orðaður við flest stærstu félögin í Evrópu.

Tíðindin þykja jafnframt undirstrika það að hann sé tilbúinn að færa sig um set við fyrsta tækifæri og Manchester United og Liverpool eru bæði sögð vera tilbúin í baráttuna um markahrókinn eftirsótta.