Svínin voru með svínaflensu

Tilraunastöð HÍ að Keldum hefur nú staðfest að sýking í svínum á svínabúinu á Minni-Vatnsleysu er af völdum inflúensuveirunnar A(H1N1) samkvæmt heimasíðu Matvælastofnunnar.

Þar segir að um leið og grunur vaknaði í gær um smit hafi verið settar takmarkanir á flutningi lífdýra frá búinu og allar smitvarnir hertar.

Aðrir svínabændur eru beðnir að vera vel vakandi fyrir einkennum svínaflensu á sínum búum og hafa samband við héraðsdýra- lækni ef grunur vaknar. Svínaflensa berst ekki með matvælum og fólki stafar því engin hætta af neyslu svínakjöts.