Ferguson ósáttur við dómarann

Sir Alex Ferguson, stjóri Man. Utd, fannst sínir menn ekki fá sanngjarna meðferð hjá Andre Marriner dómara í leiknum á Anfield í dag.

Vidic fékk að líta rauða spjaldið og Ferguson var ósáttur við fleiri dóma. United vildi fá tvö víti og Jamie Carragher af velli er hann tók Michael Owen niður.

„Það var erfitt andrúmsloft hér í dag líkt. Það var sárt dýr að spila og við réðum ekki við það. Andrúmsloftið hafði áhrif á mína leikmenn og ég held að það hafi líka haft áhrif á dómarann," sagði Ferguson.

„Það var margt umdeilt sem átti sér stað og við erum pirraðir vegna sumra þessara atvika. Fyrra spjaldið á Vidic var glórulaust en umdeildasta atvikið var þegar Carragher tók Owen niður. Hann var kominn í gegn.

Reglur leiksins voru hannaðar til að koma í veg fyrir svona brot og það hefði munað um það hjá Liverpool að missa Carragher af velli enda þeirra besti maður og fyrirliði liðsins. Það hefði breytt leiknum og sett þá undir meiri pressu. Dómarinn stóð rétt hjá og getur ekki afsakað sig að einhver hafi staðið fyrir honum," sagði Ferguson sem játaði líka að Liverpool hefði verið betri aðilinn í leiknum.

„Liverpool var betra liðið og ég tek ekkert frá þeim. Þeir áttu skilið að vinna leikinn og frammistaða okkar olli vonbrigðum. Við vorum ekki nógu góðir."