Lífið

Mikill missir

Flosi Ólafsson, Björgvin Halldórsson og Jakob Frímann Magnússon.
Flosi Ólafsson, Björgvin Halldórsson og Jakob Frímann Magnússon.

Vísir hafði samband við tónlistarmennina Björgvin Halldórsson og Jakob Frímann Magnússon sem fengu að kynnast Flosa Ólafssyni leikara sem féll frá í fyrradag.

„Það er mikill missir af Flosa. Hann var sá maður sem setti mikinn svip á samtíðina. Hann sá alltaf skoplegu hliðina á samfélagsmálum," segir Björgvin og heldur áfram:

„Hann var vinsæll leikari og ræðumaður. Hnyttinn í andsvörum og skemmtilegur maður. Minning hans lifir."

„Við kynntumst fyrir mörgum árum og leiðir okkar lágu oft saman á skemmtunum þar sem ég var að spila og hann var með ræðu kvöldsins sem alltaf sló í gegn. Hann var vinsæll leikari og ræðumaður. Hnyttinn í andsvörum og skemmtilegur maður. Minning hans lifir."

„Flosi var hlýr og yndislegur, allra karla kátastur og spaugsamastur. Aldurslaus og alþýðlegur. Frábær samferðamaður í alla staði," svarar Jakob Frímann spurður hvernig Flosi var í hans augum.


Tengdar fréttir

Flosi Ólafsson látinn

Flosi Ólafsson leikari lést á sjúkrahúsi í gær. Flosi hefur dvalið á sjúkrahúsi undanfarna daga en hann slasaðist í alvarlegu bílslysi í vikunni.

Klárlega einn mesti húmoristi landsins

„Hver man ekki eftir Flosa?," svarar Logi Geirsson handboltakappi aðspurður um hans minningu um Flosa Ólafsson sem féll frá á Landspítalanum í fyrradag, 79 ára að aldri, eftir bílslys í vikunni sem leið. „Fyrsta sem kemur upp í hausinn á mér var þegar hann lék í Stuðmanna myndinni og fór á kostum. Hann var klárlega einn mesti húmoristi landsins svo áratugum skiptir og að mig minnir leikstýrði hann Skaupinu þrisvar sinnum.Það gera það bara snillingar." „Svo hafði faðir minn einstaklega gaman af honum. Ég veit líka eitt að ég mun aldrei gleyma þessu nafni Flosi Ólafsson," segir Logi.

Flosi úr lífshættu eftir bílveltu

Flosi Ólafsson leikari og rithöfundur er kominn úr lífshættu eftir bílslys sem hann lenti í skammt frá Borgarfjarðarbrúnni um kvölmatarleytið í gær. Flosi var að koma frá Reykjavík og á leið til heimilis síns í Reykholtsdal.

Flosa sárt saknað

„Hans er sárt saknað,“ segir Jakob Frímann Magnússon tónlistarmaður um Flosa Ólafsson. Flosi lést á Landspítalanum í gær, 79 ára að aldri, eftir bílslys sem hann lenti í í vikunni sem leið.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.