Ferðamenn á vanbúnum bílum

Lögreglan á Hvolsvelli hefur að undanförnu þurft að aðstoða ferðamenn, sem lent hafa í vandræðum á bílaleigubílum vegna þess hversu vanbúnir bílarnir eru. Dæmi eru um hjólbarða, sem voru orðnir svo slitnir að þeir héldu ekki lengur vindi, og um að varadekk hafi reynst vindlaus, þegar til átti að taka. Þetta er enn alvarlegra í ljósi þess að mikið er um að erlendir ferðamenn aki allt of hratt eins og nýjasta dæmið þegar harðfullorðinn útlendingur var stoppaður eftir að hafa mælst á tæplega 140 kílómetra hraða í Skaftárhreppi.