Aguero orðaður við Chelsea - félagaskipti velta á banninu

Samkvæmt heimildum götublaðsins The Sun eru forráðamenn Chelsea tilbúnir að endurnýja áhuga sinn á framherjanum Sergio Aguero hjá Atletico Madrid í janúar fari svo að áfrýjun Lundúnafélagsins vegna félagskiptabannsins frá Alþjóðaknattspyrnusambandinu nái í gegn.

Chelsea var tilbúið að reiða fram 42 milljónir punda í Aguero í sumar en þá vildu forráðamenn Atletico Madrid ekki einu sinni ræða málin.

Spænska félaginu hefur hins vegar hvorki vegnað vel innan vallar né utan það sem af er tímabili og því gætu málin verið skoðuð í nýju samhengi í janúar.