Hjól fyrir borgarbúa í sumar

l Dofri Hermannsson, fulltrúi Samfylkingarinnar í umhverfis- og samgönguráði, lagði til, á fundi ráðsins í gær, að ungt fólk yrði ráðið til þess að gera við hjól sem borgarbúum stæðu svo til boða í sumar. Tillagan verður afgreidd á næsta fundi ráðsins.

Dofri segir að hjól af þessu tagi þekkist í öllum stórborgum. Hægt sé að slá tvær flugur í einu höggi með því að veita unglingum vinnu við að gera þau upp og bjóða almenningi þau síðan til notkunar. Hjólin væri hægt að mála í skærum litum og gætu þau sett svip sinn á borgarlífið. - kóp