Hjúkrunarfræðingar hætta í BHM

Félag íslenskra hjúkrunarfræðinga hefur samþykkt að segja sig úr Bandalagi háskólamanna en tillaga þess efnis var samþykkt á aðalfundi félagsins í dag. Úrsögnin á að öðlast gildi frá áramótunum 2009 og 2010.

Þetta kemur fram á vef félags íslenskra hjúkrunarfæðinga í dag. Þar segir að tillagan sem samþykkt var með 53 atkvæðum gegn 2 hljóði svo:

„Aðalfundur Félags íslenskra hjúkrunarfræðinga, haldinn þann 12. maí 2009, samþykkir að fela stjórn félagsins að ganga frá úrsögn félagsins úr Bandalagi háskólamanna (BHM). Stjórn skal tilkynna BHM úrsögnina innan tilskilins frests þannig að hún öðlist gildi frá og með áramótum 2009 og 2010. Stjórn skal þegar hefja undirbúning viðbragða við því ástandi sem skapast vegna úrsagnar og núverandi aðildar félagsmanna að sjóðum BHM".