Wenger: Van Persie er besti framherjinn í deildinni

Knattspyrnustjórinn Arsene Wenger hjá Arsenal er gríðarlega ánægður með framherjann Robin Van Persie en hollenski landsliðsmaðurinn hefur skorað átta mörk til þessa á tímabilinu.

Wenger segir Van Persie jafnvel vera betri núna en tímabilið 2003-2004 þegar Lundúnafélagið var taplaust í deildinni.

„Að mínu mati er Robin nú besti framherji deildarinnar eins og staðan er í dag. Það er ekki nóg með að hann sé frábær sjálfur heldur er hann öflugur í að finna liðsfélaga sína inni á vellinum.

Ég myndi ekki skipta á honum fyrir neinn annan leikmann. Hann hentar okkar leikstíl fullkomlega líkt og Didier Drogba hentar leikstíl Chelsea," segir Wenger í viðtali við Daily Mirror.