400 steypubíla þarf í verkið

Framkvæmdir Steypuvinna við bílastæðahúsið sem rísa á við Tónlistar- og ráðstefnuhúsið við Austurhöfn hefst í dag. Í fyrsta áfanga verður botnplata hússins steypt en í hana fara 3.400 rúmmetrar af steypu. Um 400 steypubíla þarf til að flytja byggingarefnið.

„Þetta verður gert í einum áfanga og við áætlum að verkið taki um sólarhring," segir Ísleifur Sveinsson, byggingastjóri hjá ÍAV, sem sér um framkvæmdir á svæðinu.

Ísleifur býst við að 24 steypubílar verði notaðir í verkið.

Húsið verður á tveimur hæðum og bílastæðin um 1.600 talsins.- kh