Gafst upp í Kringlunni - myndir

Góð stemning og samstaða ríkir meðal fanganna að sögn fangavarða Stöðvar 2 en óvíst er hversu lengi það endist.

Góð stemmning og samstaða ríkir meðal fanganna að sögn fangavarða Stöðvar 2 en óvíst er hversu lengi það endist.

Níu keppendur standa eftir og virðast staðráðnir í að halda út allan tímann í Fangavaktarleiknum sem fram fer í Kringlunni.

Undir klukkan 06:00 í morgun hætti Magdalena Sif, 26 ára, keppni en köld og erfið nótt virðist hafa gert útslagið.

Í gær voru keppendur uppvísir á að hlaupa aftur í klefann eftir hádegismat, en öll hlaup eru bönnuð á göngum Kringlunnar. Var föngunum því gert ljóst að aðeins mætti labba hratt, ekki hlaupa, annars mundu fangar fá mínusstig.

Afplánun lýkur á föstudaginn þegar sigurvegari verður krýndur í beinni útsendingu í sjónvarpsþættinum Ísland í dag.

Hægt er að sjá beina útsendingu frá fangaklefanum í Kringlunni með því að smella hér.