Kærasti Jordan svaf hjá stelpustrák

Tælenskur stelpustrákur segir við News of the World í dag að hún hafi sofið þrisvar sinnum hjá nýja kærasta Katie Price, betur þekkt sem Jordan, á einni nóttu. Hún segir að Alex Reid hafi beðið sig að vera í stuttu pilsi og háum hælum á meðan þau stunduðu æfingar sínar.

Kay Kae er vændiskona sem fór í kynskiptiaðgerð fyrir fimm árum, þegar hún var 17 ára. „Alex vissi ekki að ég hefði verið karlmaður. Hann spurði mig aldrei og ég sagði honum það aldrei," segir Kay í samtali við News of the World.

Hún hitti Alex á eyjunni Phuket árið 2006 þegar hún vann á kynlífsbar sem var skammt frá bardagaskóla þar sem Andy var að æfa og kenna, en hann er bardagamaður. „Ég var með ljóst hár og skar mig þannig úr. Ég held samt að Alex hafi líkað við mig vegna þess að ég var í stuttu pilsi. Það var mjög kynæsandi."

„Flestir karlmenn höfðu ekki hugmynd um að ég væri stelpustrákur. Ég var eini kynskiptingurinn á barnum sem var pakkaður af kvenkyns vændiskonum. Ég var hinsvegar vinsælli en allar hinar stelpurnar því ég var í stuttu pilsi og háum hælum, og brjóstin á mér eru stór. 90% af karlmönnum sjá ekki að ég sé stelpustrákur."

„Eini möguleikinn til þess að sjá það er að horfa á stóru hendurnar mínar. En karlmenn horfa bara á andlitið á mér og síðan á brjóstin þegar þeir sjá mig."