Þurfum hagstæðan samning fyrir sjávarútveg og landbúnað

Vilhjálmur Egilsson framkvæmdastjóri Samtaka atvinnulífsins segir að nú þegar búið er að samþykkja að fara í aðildarviðræður við ESB sé markmiðið að ná sem hagstæðustum samningum. „Þarna er ég einkum að hugsa um sjávarútveginn og landbúnaðinn," segir Vilhjálmur.

Vilhjálmur segir ennfremur að í komandi viðræðum sé mikilvægast að gæta hagsmuna landsins gagnvart ESB og sjá til þess að ekki verði hallað um of á sjávarútveginn og landbúnaðinn nema eitthvað komi á móti sem ásættanlegt sé fyrir þjóðina.

„Það er vitað að helstu erfiðleikarnir í samningagerðinni verða á þessum tveimur sviðum og því verða menn að vanda sig hvað þau varðar," segir Vilhjálmur. „Niðurstaðan verður að vera eins léttbær og hugsast getur fyrir sjávarútveginn og landbúnaðinn."