Kvíðir bleiuskiptingum

Raunveruleikastjarnan Kourtney Kardashian, sem á von á sínu fyrsta barni í desember, segist kvíða því einna mest að þurfa að skipta um bleiur.

„Ég man ekki eftir því að hafa nokkurn tímann skipt um bleiu áður. Ætli ég hafi ekki einhvern tímann hjálpað til með yngri systkini mín, en ég man það ekki. Ég var orðin sextán ára þegar yngstu systur mínar fæddust og hafði um annað að hugsa þá," segir stúlkan í viðtali við sjónvarpsstöðina E!.

Hún þarf þó ekki að óttast því að að hennar sögn þá er systir hennar, Khloé Kardashian, mjög lagin við börn.

„Khloé kann þetta allt. Hún kann að halda á börnum og leika við þau og börn eru mjög hænd að henni. Ég aftur á móti verð mjög stressuð í kringum börn, mér finnst þau svo brothætt."