Mun ekki bæta á sig

Renée Zellweger hefur tekið að sér að leika í þriðju kvikmyndinni um hina seinheppnu Bridget Jones. Í þetta sinn mun leikkonan þó ekki bæta á sig fyrir hlutverkið heldur mun hún klæðast sérstökum búningi.

„Renée mun klæðast sérstökum fitubúningi svo hún þurfi ekki að bæta á sig aukakílóum. Það tók hana dágóðan tíma að losa sig við aukakílóin eftir síðustu Bridget Jones-mynd. Hún hefur einnig áhyggjur af heilsufarslegum áhrifum þess að bæta á sig og grennast aftur á svo skömmum tíma," sagði innan­búðarmaður við tímaritið Reveal.