Árásarmaðurinn fundinn

Karlmaður sem stakk annan mann með hnífi í lærið og handlegg fyrir utan verslun Krónunnar í Jafnaseli í Seljahverfi í dag hefur verið handtekinn. Árásarmaðurinn var handsamaður skömmu eftir árásina í bifreið sinni í Holtaseli. Hann var einn á ferð.

Fórnarlambið var flutt á slysadeild er ekki mikið slasað, að sögn lögreglu.

Árásarmaðurinn og fórnarlambið þekktust og hafa báðir komið við sögu lögreglu. Málsatvik eru að öðru leyti óljós, en árásarmaðurinn var fluttur í fangageymslur og bíður þess að verða yfirheyrður.