Ríkisstjórnarfundur í hádeginu - niðurstaða komin í Icesave-málið

Ríkisstjórnin mun funda um Icesave-málið á hádegi í dag en niðurstaða er kominn í viðræðum Íslendinga við Breta og Hollendinga um lyktir Icesave samkvæmt áreiðanlegum heimildum Vísis.

Ekki er ljóst hver niðurstaðan er og hvort fallið verður frá einhverjum af þeim fyrirvörum sem Alþingi samþykkti í haust. Það má þó búast við því.

Áætlað er að fjárlagafundur verði haldinn eftir hádegi og svo í kjölfarið má búast við blaðamannafundi um stöðu mála.

Þangað til mun ríkisstjórnin kynna samningsniðurstöðuna fyrir stjórnarandstöðunni og öðrum sem þarf að kynna málið fyrir.