Sökuð um þriggja milljóna króna fjárdrátt

Fyrrum gjaldkeri Íþróttabandalags Suðurnesja hefur verið ákærður fyrir að hafa dregið að sér samtals 3.064.323 krónur sem hún flutti í heimildarleysi með 11 færslum af bankareikningum Íþróttabandalagsins yfir á bankareikning sinn hjá Glitni. Það er lögreglustjórinn á suðurnesjum sem höfðar málið sem var þingfest í héraðsdómi Reykjaness í morgun.

Millifærslurnar ellefu voru gerðar frá því í lok desember árið 2007 og fram í maí árið 2008. Námu þær allt frá rúmum fimmtíu þúsund krónum upp í tæpa hálfa milljón króna.

Þá gerir lögfræðingur fyrir hönd Íþróttabandalags Suðurnesja einkaréttarkröfu um að ákærða verði dæm til að greiða umrædda upphæð auk kostnaðar við lögfræðiaðstoð að mati réttarins.