Aquilani byrjar líklega hjá Liverpool - Nasri snýr aftur hjá Arsenal

Fátt virðist geta komið í veg fyrir að 20 milljón punda maðurinn Alberto Aquilani muni spila sinn fyrsta leik fyrir aðallið Liverpool annað kvöld gegn Arsenal í deildarbikarnum.

Miðjumaðurinn Aquilani lék lokakaflan í leik með varaliði Liverpool á dögunum en það var í fyrsta skipti sem hann lék með enska félaginu síðan hann kom á Anfield frá ítalska félaginu Roma í sumar.

Þá er útlit fyrir að Samir Nasri muni vera í liði Arsenal en hann hefur ekkert spilað með Lundúnafélaginu til þessa á tímabilinu eftir að hafa fótbrotnað á undirbúningstímabilinu.