Moore ekki tilnefndur

Óskarsakademían hefur tilkynnt hvaða fimmtán myndir eiga möguleika á að hreppa Óskarsverðlaunin á næsta ári. Athygli vekur að nýjasta mynd Michaels Moore, Capitalism: A Love Story, hlaut ekki náð fyrir augum akademíunnar. Hún er tekjuhæsta heimildarmynd ársins en þótti einfaldlega ekki nægilega góð en Moore vann Óskarinn árið 2002 fyrir Bowling for Columbine. Á meðal þeirra mynda sem komust í gegnum nálaraugað voru The Cove, Valentino: The Last Emperor og Every Little Step. Óskarsverðlaunin verða afhent í Hollywood 7. mars. Þar munu fimm heimildarmyndir keppa um gylltu styttuna.