Innlent

Grill fauk á rúðu

Jón Hákon Halldórsson skrifar
Björgunarsveitin Dagrenning á Hvolsvelli sinnti óveðursaðstoð í morgun.
Björgunarsveitin Dagrenning á Hvolsvelli sinnti óveðursaðstoð í morgun.
Níu beiðnir um aðstoð hafa borist björgunarsveitum á höfuðborgarsvæðinu í morgun. Sex hópar björgunarsveitamanna frá Ársæli í Reykjavík og Kili á Kjalarnesi sinna þeim. Samkvæmt upplýsingum frá Slysavarnafélaginu Landsbjörgu er um hefðbundna óveðursaðstoð er að ræða. Vinnupallar og skilti fjúka, þakplötur losna og lausir munir fara á flug. Í Breiðholti fauk grill á rúðu og braut hana.

Í morgun hefur Björgunarfélag Vestmannaeyja sinnt 21 verkefni. Fiskikör, grindverk, gervihnattadiskar, gámar, þakkantar og þakplötur eru meðal þess sem fýkur um bæinn.

Björgunarsveitirnar Björg á Eyrarbakka, Mannbjörg í Þorlákshöfn, Suðurnes í Reykjanesbæ, Berserkir í Stykkishólmi og Dagrenning á Hvolsvelli hafa allar verið kallaðar út í margvísleg verkefni.








Fleiri fréttir

Sjá meira


×