Minnast vélhjólamannsins sem lést

Hópur fólks kom saman við Hringbraut klukkan tíu í kvöld til að minnast Árna Ragnars Árnasonar sem lést þegar að hann féll af vélhjóli sínu í gærkvöld.

Slysið varð með þeim hætti að Árni Ragnar ók vélhjóli sínu í austurátt eftir Hringbrautinni, en bíl á vesturleið var í sama mund beygt af Hringbraut, þvert yfir akbraut bifhjólamannsins, inn á Birkimelinn í átt að Hótel Sögu. Ökumaður bifhjólsins náði hvorki að stöðva hjólið né að sveigja frá bílnum og skall af miklu afli á hægri hlið hans aftanverða. Lögregla telur að hann hafi látist samstundis.

Á facebook tengslavefnum hefur verið opnuð minningarsíða um Árna Ragnar.