Viðræðum um Icesave haldið áfram

Steingrímur J. Sigfússon, fjármálaráðherra, sagði í umræðum á Alþingi í dag að ekki stæði til á næstu dögum að skrifa undir samkomulag við bresk stjórnvöld um Icesave-reikninga Landsbankans.

Sigmundur Davíð Gunnlaugsson, formaður Framsóknarflokksins, vildi í óundirbúnum fyrirspurnartíma að Steingrímur upplýsti um stöðu mála í viðræðunum og hvort til stæði að undirrita samkomulag á morgun eða á næstu dögum.

Steingrímur sagði að utanríkismálanefnd Alþingis verið haldið upplýstri um könnunarviðræðurnar, og því sem hann kallaði þreifingar, við bresk stjórnvöld og haft verði samráð við nefndina. Ekki stæði til að ganga frá slíku samkomulagi á næstu dögum.