Fóru á Jackson-forsýningu

Útvarpsþátturinn Zúúber stóð fyrir forsýningu á Michael Jackson-myndinni This Is It í Smárabíói í gær. Mikil eftirvænting hefur verið eftir myndinni, sem var gerð eftir fráfall popparans.

Í myndinni er sýnt frá æfingum Jacksons fyrir tónleikaröð sem hann ætlaði að halda í London. Sviplegur dauði hans í sumar kom í veg fyrir þær áætlanir. Í framhaldinu var ákveðið að gefa aðdáendum hans forsmekkinn að því hvernig tónleikaröðin hefði orðið ef allt hefði farið á besta veg.