Óvissuferð Össurar endaði með barsmíðum og handtöku

Starfsmenn stoðtækjaframleiðandans Össurar hf. fóru í í óvissuferð í gær sem endaði með ósköpum þegar starfsmenn fyrirtækisins slógust harkalega fyrir utan höfuðstöðvar fyrirtækisins. Að sögn lögreglu voru tveir handteknir vegna málsins og þrír fór á sjúkrahús. Þeir handteknu eru nú í yfirheyrslum hjá lögreglu sem verst allra frétta af málinu. Ekki er vitað um tildrög árásarinnar en meðal annars var hafnaboltakylfu beitt.

Samkvæmt heimildum fréttastofu endaði óvissuferðin í Þorlákshöfn þar sem starfsmenn fyrirtækisins skemmtu sér fram eftir kvöldi. Um miðnætti fór rúta af stað til Reykjavíkur og einn starfsmaður í fyrirtækinu fer í einkabíl á eftir rútunni. Þegar rútan kemur að höfuðstöðvum Össurar hf. að Grjóthálsi bíða félgar starfsmannsins í bíl fyrir utan.

Þegar starfsfókið hefur safnast saman fyrir utan anddyri Össurar hf. stekkur umræddur starfsmaður út úr bíl sínum og ræðst á samstarfsfélaga sinn ásamt þremur vinum sínum sem mættir voru á staðinn. Var hann með hafnaboltakylfu að vopni. Upphófust þá nokkur slagsmál og fékk annar starfsmaður meðal annars þungt högg aftan á hnakka og var fluttur á sjúkrahús.

Lögregla segir málið vera í rannsókn en hún yfirheyrir nú þá handteknu.