Ancelotti: Heit mjólk og rauðvín frábær lyf gegn flensu

Knattspyrnustjórinn Carlo Ancelotti hjá Chelsea er ósammála kollega sínum „Stóra" Sam Allardyce hjá Blackburn sem telur næsta víst að leikmenn Chelsea séu næstir til þess að smitast af svínaflensu eftir leik liðanna um síðustu helgi.

Chelsea vann leikinn 5-0 en síðar var staðfest að svínaflensa hafi gert vart við sig í leikmannahópi Blackburn og alla vega þrír leikmenn hefðu smitast af flensunni.

„Svínaflensan er víðar en bara inni á vellinum og við höfum gert eins miklar varúðar ráðstafanir gegn þessu og mögulegt er. Við viljum bara hugsa um að spila fótbolta, það er í raun og veru ekkert flóknara en það. Ég veit hins vegar alveg hvað er til ráða ef ég fæ flensuna og það er ekki ráð frá læknum heldur ömmu minni. Heit mjólk og rauðvín eru frábær lyf gegn flensu," er haft eftir Ancelotti.