Ólafur fær auknar heimildir til að rannsaka bankahrunið

Embætti sérstaks saksóknara vegna bankahrunsins fær auknar heimildir til þess að kalla eftir upplýsingum og gögnum verði frumvarp sem ríkisstjórnin samþykkti í dag að lögum.

,,Það er verið að auka heimildir til að afla gagna og um leið efla og styrkja embættið,"  segir Ása Ólafsdóttir aðstoðarmaður Rögnu Árnadóttur dómsmálaráðherra. Hún segir að frumvarpið fari nú til meðferðar í þingflokkunum.

Ólafur Þór Hauksson gegnir embætti sérstaks saksóknara en því er ætlað rannsaka á grun um refsiverða háttsemi í aðdraganda, tengslum við og kjölfar bankahrunsins í byrjun október á seinasta ári. Embættið tók formlega til starfa um síðustu mánaðamót.