Skattahækkanirnar stoppa lítið upp í fjárlagagatið

Skattahækkanirnar sem Alþingi ákvað í gærkvöldi á bensín, áfengi og bíla eru aðeins einn fertugasti af því sem þarf til að loka risastóru fjárlagagatinu.

Skattahækkanirnar voru keyrðar með hraði í gegnum Alþingi i gærkvöldi og voru lögfestar rétt fyrir miðnætti. Bensínskattur var hækkaður um 10 krónur á lítrann, olíuskattur um 5 krónur á lítra, bifreiðagjald, sem er kílóagjald, og miðað við þunga hvers bíls, var hækkað um 10 prósent, og loks voru álögur á áfengi og tóbak hækkaðar um 15 prósent.

Samtals eiga þessa skattahækkanir að skila ríkissjóði 2,7 milljörðum króna á þessu ári en 4,4 milljörðum króna miðað við heilt ár. Þær eru fyrsta skrefið í að brúa 170 milljarða króna fjárlagagat en duga skammt, eða upp í tvö og hálft prósent af gatinu. Þessar aðgerðir eru því aðeins einn fertugasti af því sem stjórnvöld þurfa að gera í formi skattahækkana og niðurskurðar til að rétta ríkissjóð af.