List á Austurvelli í blíðskapaveðri

Mikið eru um að vera á Listahátíð í Reykjavík í dag, laugardaginn 16. maí. Búist er við að fjöldi fólks muni leggja leið sína í miðbæinn í sól og blíðu að sjá meðal annars áströlsku götulistamennina. Ókeypis aðgangur er á alla þessa viðburði sem hér eru taldir:

LISTAHÁTÍÐ Á AUSTURVELLI Í DAG kl. 14.00 og 16.00:

GÖTULISTAMENN frá Ástralíu

Forboðnir ávextir leika listir sínar í mikilli nálægð við áhorfendur á rúmlega fjögurra metra háum stöngum sem sveigjast fram og aftur með miklum tilþrifum.

Norskar HJÓLHÝSAKONUR

Fimm stórir skúlptúrar á hjólum eftir listakonuna Marit Benthe Norheim.

LISTAHÁTÍÐ VIÐ TJÖRNINA, Í REYKJANESBÆ OG Á AKUREYRI Í DAG:

NÁTTÚRUGÆSLUSTÖÐIN: Reykjavík

- við Tjörnina og víðar

Veröldin stendur á krossgötum nú þegar listamaðurinn, vísindamaðurinn og baráttukonan Natalie Jeremijenko opnar Náttúrugæslustöðina, í miðri hringiðu efnahagskreppu og loftslagsbreytinga sem krefjast þróttmikillar samræðu um ábyrgð okkar sem einstaklinga og skynsamlega nýtingu auðlinda.

Reykjavíkurtjörn og víðar kl.11.00-14.00. Uppákoma fyrir alla fjölskylduna, m.a. verður fuglamatur gróðursettur, vélgæsir keyrðar, börnum, fuglum og fiskum gefið og tjarnartúrar.

Gallerí 100°kl. 15.00-17.00. Spjall Natalie Jeremijenko og vísindamanna.

LÍFIÐ ER EKKI BARA LEIKUR - það er líka dans á rósum

Sýning á munum hönnuðum úr ljósmyndum úr safnaeign í samvinnu við hönnunar- og arkitektúradeild Listasafns Íslands.

Ljósmyndasafni Reykjavíkur kl. 15.00

Hrafnhildur Arnardóttir - HÉGÓMARÖSKUN

Hrafnhildur er þekkt undir heitinu Búðarþjófur í heimaborg sinni New York. Lykilefniviður hennar eru mannshár, hrosshár eða gervihár sem hún fléttar saman og leiðarstefið er „hégómaröskun".

Gallerí i8, 16 kl. 16.00

TVEIR MENN, EIN KONA og SÆSKRÍMSLI

Sýning Huldu Hákon veitir einstaka innsýn í skrautlegar hugmyndaheim hennar.

Listasafnið á Akureyri, kl. 15.00

Klaas Kloosterboer - Pulp Machineries

Sýning í samvinnu við Galerie van Gelder á verkum hins þekkta hollenska listamanns Kloosterboer.

Suðsuðvestur, Reykjanesbæ kl. 16.00



OLGA BERGMANN -Í húsi sársaukans

Skyggnst bak við það sem skapast við sáran missi, áföll eða umbyltingu aðstæðna.

Listasafn Reykjanesbæjar kl. 17.00

Í gær, föstudaginn 15. maí, opnuðu sýningarnar Frá Unuhúsi til Áttunda strætis og Íslensk hönnun 2009 við setningu Listahátíðar í Listasafni Reykjavíkur - Kjarvalsstöðum og tvenndarsýning Hrafnkels Sigurðssonar og Kristjáns Guðmundssonar í Listasafni Íslands.