ASÍ vinnur að siðareglum

Gylfi Arnbjörnsson, forseti ASÍ, segir að unnið sé að því á fullu að móta skýrar reglur um daglegan rekstur lífeyrissjóða og sérstaklega hvað varðar boðsferðir lífeyrissjóðamanna.

Fréttir af þáttöku lífeyrissjóðamanna í boðsferðum á síðustu árum ásamt gríðarlegu tapi af rekstri þeirra á síðasta ári hafa vakið hörð viðbrögð.

Miðstjórn Alþýðusambands Íslands ályktaði um málið á aukaársfundi sínum þannig 25. mars síðastliðinn, en þar kom fram að ASÍ vildi strangar siðareglur um stefnu og starfssemi lífeyrissjóða.

Þá vill ASÍ að sérstök úttekt verði gerð á uppgjöri sjóðanna vegna síðasta árs, enda varð mikið eignatjón á því ári.