Ráðamenn hissa kalli Kínverjar sendiherrann heim

„Ég er hissa á því ef Kínverjar slíti eða dragi úr stjórnmálaasmskiptum vegna heimsóknar Dalai Lama," segir Steingrímur J. Sigfússon í viðtali við RÚV vegna fréttar Ríkisútvarpsins af því að Kínverjar hafi kallað kínverska sendiherrann heim vegna málsins.

Þegar Fréttastofa Vísis og Stöðvar 2 ræddi við sendiherra Kína, Zhang Keyuan, sagði hann að það væri algerlega fráleitt að hann hafi verið kallaður heim til Kína vegna heimsóknar Dalai Lama til Íslands.

Per Stig Möller, forsætisráðherra Danmerkur býst við að Kínverjar muni beita Dani viðskiptaþvingunum en hann auk utanríkisráðherra hittu Dalai Lama þegar hann var í heimsókn þar fyrir helgi.

Kínverjar brugðust ókvæða við og komu mótmælum áleiðis til stjórnvalda.

Þeir gerðu slíkt hið sama hér en Katrín Júlíusdóttir og Ögmundur Jónasson hittu Dalai Lama. Það gerði Jóhanna Sigurðardóttir, forsætisráherra ekki né Össur Skarphéðinsson, utanríkisráðherra sem er staddur á Möltu.

Steingrímur J. Sigfússon, fjármálaráðherra áréttaði að Ögmundur og Katrín hefðu hitt Dalai Lama sem borgarar, ekki sem ráðherrara.

Þegar Vísir náði í Urði Gunnarsdóttur hjá utanríkisráðuneytinu sagðist hún ekki hafa upplýsingar um það að kínversk yfirvöld hygðust kalla sendiherrann heim.