Undarleg u-beygja í máli Davenport - hann sjálfur einnig ákærður

Mál varnarmannsins Calum Davenport hjá West Ham, sem varð fyrir hrottalegri árás í ágúst þar sem hann var stunginn með hnífi í báðar lappir, er nú byrjað að fara fyrir rétt á Englandi.

Worrell Whitehurst, árásarmaður Davenport og unnusti systur leikmannsins, hefur verið ákærður og komið fyrir rétti en þá hefur Davenport sjálfur einnig verið ákærður fyrir að ráðast á konu þegar umrætt atvik átti sér stað. Ekki kemur fram hver konan sé en mögulega er um systur Davenport að ræða. Davenport vildi ekki tjá sig nánar um málssakir við fjölmiðla en gaf frá sér yfirlýsingu í dag.

„Þetta er mjög svekkjandi en ég neita harðlega að hafa gert eitthvað rangt og mun lýsa yfir sakleysi mínu fyrir rétti," segir í yfirlýsingu Davenport.