Ekkert gengur hjá Guðjóni - tap fyrir Accrington Stanley

Það gengur ekkert hjá Guðjóni Þórðarsyni og lærisveinum hans í Crewe Alexandra en liðið tapaði 3-5 á útivelli á móti Accrington Stanley í ensku 3. deildinni í kvöld. Þetta var þriðja tap Crewe í röð en liðið er nú í 10. til 12. sæti ásamt Bradford City og Accrington Stanley.

Crewe vann þrjá af fyrstu fjórum leikjum sínum og fékk hélt hreinu í þremur þeirra en hefur síðan tapað fjórum af fimm leikjum með markatölunni 6-11.

Joel Grant (tvö) og Luke Murphy skoruðu mörk Crewe í leiknum sem náði að laga stöðuna með tveimur mörkum í lokin. Accrington Stanley var komið í 2-0 eftir fimm mínútur og var 5-1 yfir þegar aðeins átta mínútur voru eftir.