Mótmælir ekki sparnaði þings

Einar K. Guðfinnsson, þingmaður Sjálfstæðisflokks, segist ekki gagnrýna þá ákvörðun forsætisnefndar að leggja niður tímabundið aðstoðarmannakerfið svokallaða, þar sem landsbyggðarþingmenn höfðu aðstoðarmann í hlutastarfi.

„Þetta er liður í sparnaði og til bráðabirgða. En ég myndi gagnrýna þetta, væri ákvörðunin varanleg, því hún veikir samband þingmanna og kjósenda,“ segir hann.

Einar nefnir, máli sínu til stuðnings, að eitt sinn hafi núverandi Norðvesturkjördæmi haft fimmtán þingmenn. Nú stefni í að þeir verði átta. - kóþ