Quaresma orðaður við Everton

Portúgalska undrabarnið sem aldrei hefur staðið undir væntingum, Ricardo Quaresma, er þessa dagana orðaður við enska úrvalsdeildarliðið Everton.

Þrátt fyrir stuðning frá Jose Mourinho þá hefur ekkert orðið úr þessum leikmanni. Mourinho fékk hann frá Porto en hann hefur ekkert getað hjá Inter. Hann kemst ekki einu sinni í hópinn lengur.

Hann fór að láni til Chelsea á sínum tíma en sýndi ekkert þar frekar en annars staðar.

Fastlega er búist við því að hann yfirgefi Inter í janúar og er Everton talinn vera líklegur áfangastaður í augnablikinu.